Акафист иверской божьей

Кондак 1

Взбранной Воеводе, Владычице нашей Богородице, похвальная пения приносим Ти раби Твои, яко пришествием честнаго образа Твоего стяжавшии щит крепкий, стену необоримую и стража неусыпна. Ты же, яко имущая державу непобедимую, покрый и защити нас, Владычице, от всех врагов видимых и невидимых и избави от всякаго вреда, душевнаго и телеснаго, да зовем Ти:

Радуйся, благая Вратарнице, двери райския верным отверзающая.

Икос 1

Ангел предстатель послан бысть рещи Богородице, егда паде Ей жребий апостольскаго служения в земли Иверстей: «Не разлучайся Иерусалима, жребий же, Тебе падший, просветится в последния дни, Ты же имаши потрудитися в земли, юже Тебе Бог изволит».

Темже радуйся, Еюже Евангелие благовестится; радуйся, Еюже идольская прелесть упразднится.

Радуйся, Еюже власть князя тьмы разрушится; радуйся, Еюже Царство Христово утвердится.

Радуйся, падших во тьму идолослужения к свету Евангелия воззвание; радуйся, от рабства диаволу в свободу славы чад Божиих приведение.

Радуйся, готовая служительнице Сына Своего и Бога; радуйся, послушанием преслушание Евы исцеляющая.

Радуйся, высото добродетелей; радуйся, глубино смиренномудрия.

Радуйся, Еюже невернии познают Творца; радуйся, Еюже вернии усыновляются Отцу.

Радуйся, благая Вратарнице, двери райския верным отверзающая.

Кондак 2

Видящи Святая Дева дивное и новое о Себе промышление Божие, яко раба Господня, присно готовая творити волю Его, возопи: Аллилуиа.

Икос 2

Разум недоразумеваемый глагола ангельскаго разумен Тебе, Пречистая, творя Господь, управи шествие Твое к Горе Афонстей, идеже проповедася Тобою Евангелие, и тако явися жребий Твой. Мы же радостно вопием:

Радуйся, освятившая Афон Своим пришествием; радуйся, низложившая тамо идолов.

Радуйся, насадившая тамо веру истинную; радуйся, неверие отгнавшая.

Радуйся, в жребий Себе Гору сию избравшая; радуйся, благодать сему месту обещавшая.

Радуйся, верным, живущим в ней, подательнице земных благ; радуйся, споручнице вечнаго их спасения.

Радуйся, теплая ходатаице о живущих в жребии Твоем; радуйся, всех врагов их устрашение.

Радуйся, милость Сына Своего до скончания века месту сему обещавшая; радуйся, благодать Его неотступною быти предрекшая.

Радуйся, благая Вратарнице, двери райския верным отверзающая.

Кондак 3

Сила Вышняго заступлением Богоматере осени Святую Гору и удолия и дебри ея, яко село пространное показа всем, в иночестей жизни хотящим жати спасение, внегда пети сице: Аллилуиа.

Икос 3

Имущи промышление о жребии Своем, людех Иверския земли, устроила еси в месте, идеже Сама к Афону пристала еси, обитель роду их, в тихое пристанище ищущим спасения, хотящи даровати ей в щит и ограждение икону Свою, да вси взывают:

Радуйся, пославшая проповедницу Евангелия в землю Иверскую; радуйся, обратившая сию страну от прелести идольстей к свету Христову.

Радуйся, Отрасли неувядаемыя розго, дивную лозу Нине даровавшая; радуйся, от нея произрастившая гроздие чудес и благия веры.

Радуйся, сад духовный на Афоне насадившая; радуйся, струю от него просвещения духовнаго стране Иверстей источившая.

Радуйся, Евфимия златословесная уста; радуйся, Торникия непобедимая крепосте.

Радуйся, всех благочестивых укрепление; радуйся, иноков ограждение.

Радуйся, тихое пристанище ищущих спасение; радуйся, вечный покой им уготовляющая.

Радуйся, благая Вратарнице, двери райския верным отверзающая.

Кондак 4

Бурю внутрь имущи помышлений сумнительных, честная вдовица, яже в Никеи, смятеся, зрящи копием воина-иконоборца прободену святую и чтимую икону Богоматере и абие источившу кровь и, страхом обдержима, да не поругана будет святая икона, с молитвою слезоточащи вверже ю в море. Увидевши же ю прямо верху воды путь творящу и текущу к западу, возопи с веселием: Аллилуиа.

Икос 4

Видеша иноцы Святыя Горы явльшийся в мори яко пламень, яко столп огнен, егоже верх досязаше небеси, яко солнце сияющее, и в нощи притекоша к краю моря и, видевше святую икону Богоматере, по морю носимою силою свыше, возопиша Благодатней:

Радуйся, Купино, Законоположником предзримая; радуйся, столпе огненный, наставляяй сущия во тьме.

Радуйся, лествице, досязающая до Небес, еюже сниде Бог; радуйся, мосте, преводяй сущих от земли на Небо.

Радуйся, заре таинственнаго дне; радуйся, Звездо, являющая Солнце.

Радуйся, Свет Неизреченный родившая; радуйся, еже како ни единаго же научившая.

Радуйся, облеченная в солнце, сияющая благодатию и славою всей вселенней; радуйся, молние, души просвещающая и верных смыслы озаряющая.

Радуйся, светлосте, во тьме светящая; радуйся, яко многосветлое возсияваеши просвещение.

Радуйся, благая Вратарнице, двери райския верным отверзающая.

Кондак 5

Боготечную икону Свою дати хотящи Иверстей обители, рекла еси, Богомати, преподобному Гавриилу: «Иди с ликом иноков к берегу моря, сниде в пучину и приими икону Мою». Он же, верою и любовию окриляемь, по воде, аки по суху, ходя, прият ю во объятия своя и, достиг сокровища, иным недостижимаго, в достояние иноков рода своего иверскаго, веселяся, пояше: Аллилуиа.

Икос 5

Видеша иноцы иверстии многажды икону Богоматере из храма верху врат монастырских на стену града незримою силою изнесенную, ужасахуся и стояху, зовуще к Ней таковая:

Радуйся, святую икону дати нам изволившая; радуйся, покров ю быти нам обещавшая.

Радуйся, любовь Твою к обители нашей показавшая; радуйся, благое о ней промышление явившая.

Радуйся, помощь наша в чуждей стране; радуйся, в странствии нашем утешение.

Радуйся, Божие к нам благоволение; радуйся, наше к Богу дерзновение.

Радуйся, слез наших избавление; радуйся, сирых нас защитнице.

Радуйся, ограждение наше; радуйся, едина радосте наша.

Радуйся, благая Вратарнице, двери райския верным отверзающая.

Кондак 6

Проповедника творящи Гавриила воли Своея, рекла еси к нему, Владычице: «Не приидох хранима быти от вас, но да буду Аз хранительница ваша не токмо в настоящем, но и в будущем веце. Се даю вам знамение: дондеже зрите в монастыре икону Мою, не оскудеет вам благодать Сына Моего и милость, да вопиют Ему вси: Аллилуиа».

Икос 6

Возсия радость велия слышавшим Твоя, Богомати, обетования, и Тебе, Небесней Вратарнице, храм во вратех обители с веселием иноцы воздвигоша и возопиша тако:

Радуйся, хранительнице наша в настоящем веце; радуйся, предстательнице наша в будущем.

Радуйся, страху Божию нас научающая; радуйся, на путь добродетели наставляющая.

Радуйся, дерзновение наша и надеждо; радуйся, упование наше и покров.

Радуйся, благоутробие Сына Своего к нам преклонившая; радуйся, благодать Его неоскудно пребывати с нами возвещающая.

Радуйся, святую икону залогом милости давшая; радуйся, дар чудодействия ей даровавшая.

Радуйся, прилог всякаго зла от обители отражающая; радуйся, всему благому вход отверзающая.

Радуйся, благая Вратарнице, двери райския верным отверзающая.

Кондак 7

Хотящу иногда злочестивому Амире обитель Иверскую разорити и стадо иноков, тамо собранное разсеяти, скоро позна крепкое обители заступление от Богоматере, увидев корабли своя в пучине моря погрязшия и ратники изгибшия. И пришед со смирением, сребро и злато в обитель даяше, молитвы прося. Иноцы же, видевше сия, возопиша к Богу: Аллилуиа.

Икос 7

Новыя и безчисленныя чудеса показа Богомати, в обители оскудение вина, муки и елеа восполняющи, бесныя исцеляющи, хромым хождение дарующи, слепым прозрение и всяк недуг врачующи, да, видяще чудеса сия, воспевают Тебе:

Радуйся, взбранная Воеводо, враги побеждающая; радуйся, скорая на помощь призывающим Тя.

Радуйся, не презирающая моления нашего; радуйся, обещания Своего не отступающая.

Радуйся, скорбь обители в радость претворяющая; радуйся, оскудение обители восполняющая.

Радуйся, слепых прозрение; радуйся, хромых хождение.

Радуйся, всех немощных целительнице; радуйся, всех скорбных утешительнице.

Радуйся, яко не престаеши промысляющи и спасающи нас; радуйся, яко от толиких бед избавляеши нас.

Радуйся, благая Вратарнице, двери райския верным отверзающая.

Кондак 8

Странно покрываемую от иконы Богоматере обитель Иверскую слышав Патриарх Никон, вожделе и Российстей стране благодати Ея стяжати причастие; сего ради, создав обитель в честь славнаго образа, со тщанием испроси изображение чудотворнаго образа Богоматере, да, покровом Ея защищаеми, вопиют Богу: Аллилуиа.

Икос 8

Вся сущи в Вышних, но и нижних не отступающи, благоизволила еси, Богомати, якоже древле преподобному Антонию даровася благословение Горы Афонския на утверждение обители Печерския, даровати и новой обители в стране Российстей благодать Свою, еюже благословила еси Афон, в подобии честнаго образа Твоего. Темже взываем Ти:

Радуйся, страны Российския покрове, ширший облака; радуйся, православныя веры в ней ограждение и утверждение.

Радуйся, Православныя Церкве непоколебимый столпе; радуйся, ересей и расколов обличение.

Радуйся, светлыми лучами чудотворных икон всю страну озаряющая; радуйся, дары исцелений и милостей от них источающая.

Радуйся, врагов устрашение; радуйся, святителей веселие.

Радуйся, иереев похвало; радуйся, иноков наставнице.

Радуйся, всего рода нашего спасение; радуйся, верных утверждение.

Радуйся, благая Вратарнице, двери райския верным отверзающая.

Кондак 9

Всяко тщание имуще о написании честнаго образа милостивыя Вратарницы, сонм постников иверских молебная пения совершает, водою от чудныя иконы омывает дску, на нейже имать изобразитися честный образ, и преподобнаго Иамвлиха освящает, иже, подвизався в посте, молитве и бдении со всею братиею, списа вапы, святою водою и мощами освященными, честное изображение Богоматере, выну моляся и вопия Богу: Аллилуиа.

Икос 9

Вития многовещанныя, яко рыбы безгласныя, видим о Тебе, Богородице: недоумеют бо, како по достоинству похвалити вся чудеса Твоя, явленная роду нашему от святыя Твоея иконы, еще бо на пути в Российскую страну сия чудодействоваше, благочестивому Мануилу повелевая выкуп дати неверным, возбраняющим шествие святыя иконы в страну Русскую, и сугубо ему послежде отдавши. Мы же, дивящеся, верно вопием Ти:

Радуйся, источниче чудес неисчерпаемый; радуйся, всякия милости подательнице.

Радуйся, всегда теплая о нас ходатаице к Богу; радуйся, промышления Его о нас сокровище.

Радуйся, сущим в бедах прибежище; радуйся, скорбящих утешение.

Радуйся, больных исцеление; радуйся, немощных укрепление.

Радуйся, вдов заступление; радуйся, сиротствующих милосердая Мати.

Радуйся, заблуждающих на путь истины обращение; радуйся, грешников к покаянию воззвание.

Радуйся, благая Вратарнице, двери райския верным отверзающая.

Кондак 10

Спасти хотящи многия люди от бед и скорбей, источаеши, Богомати, неоскудный источник милости от Своея иконы роду нашему: се бо и в стольном граде Москве благая Вратарница являешися всем поклоняющимся Тебе, скорое вспоможение подавающи, и в новой обители Иверстей благодати струи от иконы Твоея испущаеши, и во иных градех, обителех и весех чтущим Тя полезное прошение исполняющи. Темже, прославляя Бога, давшаго нам благодать таковую, вопием Ему: Аллилуиа.

Икос 10

Стена еси иноческому чину, Богородице, и всем, к Тебе прибегающим, ибо Небесе и земли Творец, вселься в девственней утробе Твоей, научи всех чистоты и целомудрия ревнителей возглашати Тебе:

Радуйся, девства сосуде избранный; радуйся, чистейший образе целомудрия.

Радуйся, чертоже безсеменнаго уневещения; радуйся, Невесто неневестная.

Радуйся, Сеятеля чистоты рождшая; радуйся, верных Господеви сочетавшая.

Радуйся, в буре искушений скорая помощнице; радуйся, прилоги врага отражающая.

Радуйся, мглу душевредных страстей отгоняющая; радуйся, помыслы очищающая.

Радуйся, земныя сласти презирати научающая; радуйся, к горнему умы и сердца направляющая.

Радуйся, благая Вратарнице, двери райския верным отверзающая.

Кондак 11

Пение всякое побеждается, спростретися тщащееся ко множеству многих щедрот Твоих; равночисленныя бо песка песни аще приносим Ти, Владычице наша Богородице, ничтоже совершаем достойно, яже подаваеши нам, о Тебе вопиющим: Аллилуиа.

Икос 11

Светоприемную свещу, сущим во тьме бед явльшуюся, зрим святую икону Богоматере; невещественный бо огнь благодати приемлющи, лучами чудес всех озаряет, научающи сице взывати Благословенней:

Радуйся, во всяких нуждах скорое вспоможение; радуйся, в печалех быстрое услышание.

Радуйся, от огня, меча и нашествия иноплеменных нас избавляющая; радуйся, от глада и напрасныя смерти нас свобождающая.

Радуйся, от язвы и всегубительства смертнаго нас соблюдающая; радуйся, бедствующим в пути, на суше и на водах внезапное вспоможение.

Радуйся, язв душевных и телесных врачевание; радуйся, оставленных врачми в Свои руце приемлющая.

Радуйся, милосердая утешительнице всех скорбящих и обремененных; радуйся, не отвергающая всех презренных и отверженных.

Радуйся, самых отчаянных из рова погибели исхищающая; радуйся, и мене, обнаженнаго добрых дел, не оставляющая Своим покровом и заступлением.

Радуйся, благая Вратарнице, двери райския верным отверзающая.

Кондак 12

Благодати дати восхотев, долгов древних, всех долгов Решитель человеком, прииде Собою ко отшедшим Того благодати и, раздрав рукописание, дарова нам крепкое Богоблагодатное ходатайство, да вопием вси молитвами Ея: Аллилуиа.

Икос 12

Поюще Твоя чудеса, являемая нам в жизни сей, хвалим Тя, Богородице, яко милости источник неисчерпаемый. Но, припадающе к Тебе пред чудотворною иконою Твоею, молим Тя смиренно: буди нам покров и защищение и в день кончины нашея, и егда имамы предстати на суд страшному престолу Сына Твоего, да вопием Ти:

Радуйся, во славе приседящая престолу Сына Твоего и тамо нас воспоминающая; радуйся, с Сыном Твоим и Богом вечно царствующая и о нас ходатайствующая.

Радуйся, уповающим на Тя конец живота непостыден дарующая; радуйся, безболезненную и мирную кончину устрояющая.

Радуйся, мытарств горьких избавление; радуйся, от власти князя воздушнаго освобождение.

Радуйся, грехов наших непоминовение; радуйся, по Господе упование нам блаженныя жизни.

Радуйся, уповающим на Тя одесную Сына Твоего стояние устрояющая; радуйся, блаженнаго гласа Онаго, Небеснаго Царствия наследие обещающаго, слышати сподобляющая.

Радуйся, благая Мати, всех, чтущих Тя, жити с Собою вселяющая; радуйся, крепкая надеждо вечнаго спасения всем христианом.

Радуйся, благая Вратарнице, двери райския верным отверзающая.

Кондак 13

О, Всепетая Мати, Пресвятая Госпоже Дево Богородице! Призри на нас, приносящих смиренно со слезами малыя сия молитвы пред пречистым Твоим образом и все упование и надежду возложивших на Тя, и избави нас всех бед и напастей в животе сем и будущия изми муки, да, спасаемии Тобою, вопием выну: Аллилуиа.

Этот кондак читается трижды, затем 1-й икос «Ангел предстатель…» и 1-й кондак «Взбранной Воеводе…».

Молитва

О, Пресвятая Дево, Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о, Мати всех скорбящих и обремененных! Помози нам немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая заступница, да всегда поем, величаем и славим Тя, яко благую заступницу рода христианскаго, со всеми угодившими Богу. Аминь.

«Радуйся, Благая Вратарнице, двери райские нам отверзающая!»

Вся Православная Россия, весь мир поклоняется Честной Вратарнице – древнейшей иконе Матери Божией, первообраз которой находится в Иверской обители на Афоне. А именно в нынешний день благодарная Россия приняла в XVII веке освященный список этого древнего образа, по желанию святейшего патриарха Никона, после чего установленная в нарочито отстроенной часовне, эта икона стала истинной Вратарницей, истинной Хозяйкой стольного царствующего града Москвы.

И всякий раз, когда мы читаем акафист Иверской иконе Божией Матери, то припеваем: «Радуйся, Благая Вратарнице, двери райские нам отверзающая!» Особенно понятны сегодня эти слова нам грешным, ибо все пространнее и шире становится путь, ведущий в погибель, все большее число крещеных людей, по ослеплению, по действию лукавого, по обольщению, следует этим путем, вводящим в пагубу. Со дня на день умножаются соблазны, увеличивается их губительная сила, и многие от рождения так и не видят Солнца своей жизни – Господа Иисуса Христа. Как рабы, обрекают себя, по вине родителей, служению греху и самому князю тьмы. Все более узким становится путь, ведущий ко спасению, т. е. все больше требует он решимости, осторожности, благоразумия, любви к Богу.

Но нет воли Небесного Отца, дабы погиб и единый из малых сих, верующих в Него. Вот почему Царица Небесная, Мария Богородица, не оскудевает в своем невидимом предстательстве за род наш, но денно нощно подвизается, дабы чада Церкви Христовой не заблудили от пути спасительного. Просвещает, наставляет и укрепляет на этом узком пути непорочной православной веры, евангельского самоотвержения, покаяния и нелицемерной любви. Вот почему нам подобает всемерно чтить Вратарницу, Пречистую Деву Марию, почитая Ее икону Иверскую. Она утверждает нас на избранной дороге служения Господу, свидетельствуя о том, каков этот путь, и что потребно тому, кто желает по нему истинно шествовать. Матерь Божия, держа на руках Царя Славы, Господа Иисуса Христа, своим перстом указывает, что именно в Нем спасение. Веря в него, как в Бога воплотившегося, оживает человеческая душа. Тот, кто, хотя бы и в малом, повредит эту евангельскую церковную святоотеческую веру – вовеки погибает, лишаясь живительной благодати Божией. Напротив, тот, кто содержит эту веру в непорочности, хотя бы был и немощен, и грешен, но если с покаянием воздыхает пред Богом, указуя на веру свою правую – получит от Господа благодатную помощь, силу, избавление от рабства страстям.

В век, когда умножаются беззакония, оскудевает любовь, христиане с головы до ног поражены страшной язвой высокоумия, соединенного с ним жестокосердия, полагают, что угождают Богу, однако, не имеют ни теплоты, ни снисхождения, ни сострадания, ни терпимости, ни великодушия, ни снисходительности, ни жалости, но, словно звери, уязвляют друг друга осуждающими помыслами, грешными колкими словами, легко отчуждаются друг от друга, поддаваясь ухищрениям диавола. … , которая никого не уничижает, никого не осуждает, ни над кем не превозносится, не имеет диавольского сорадования злу, неправде, но печалится о всем недолжном и молится о всем должном. И тот, кто облекается в эту ризу долготерпения, сострадания, хотя бы не на словах, но в глубине души не оставлял усилия к сопереживанию, сорадованию с ближним, скорбел о грехах и немощах, общих всем нам, тот очевидно не сбился с пути. Но тот, кто затаил в сердце хотя бы и не желая того неприязнь, отчуждение, испытывает леденящий холод к людям, легко огорчается, соблазняется, отвращается от людей, считает, что не имеет сил носить их беззакония, не желает терпеть их немощи таковой в опасном положении, близок к тому, что вечная тьма обымет его и совершенно сокроет от него свет Царства Божия.

Пресвятая Богородица Вратарница напоминает нам, что единственный путь к Богу, путь исцеления души, есть непрестанная молитва. По заповеди Иисуса Христа, нам должно всегда в молитве искать милости Божией, всегда стучать в двери милосердия Господня, всегда просить Бога, дабы Он не закрыл пред нами врата Своего Царствия прежде исхода нашего из земной временной жизни.

Меньше должно сегодня христианам думать, погружаться т. е. в воспоминания, или отдаваться мечтаниям, но гораздо надежнее, отбросив бесполезные помыслы, пребывая с которыми мы поддаемся духу уныния и печали, не мудрствуя лукаво, стучать в дверь милосердия Господня, в качестве ключа от этой двери используя Имя Христово, призываемое с верою, покаянием и надеждою на помощь свыше.

Так сохранять себя от всякой скверны плоти и духа, стараясь с благоговением относиться к людям, почитая для себя потерянным тот день, в который мы когонибудь огорчили, уязвили, поранили чьето самолюбие, но, напротив, предпочитая быть обидимыми, нежели обижать, гонимыми, нежели гнать, осуждаемыми, нежели осуждать, скоро привлечем на душу милость Пресвятой Богородицы, а Ее всемощным ходатайством – и благоволение к нам и Единородного Сына Божия, Господа Иисуса Христа.

“В немногих словах, говорит ветхозаветный пророк, совершается спасение наше.” Оно просто и доступно имеющим разум. Спасение это заключается в том, чтобы сердцем – право веровать в Господа Вседержителя, устами – исповедывать тайну Боговоплощения, делами – свидетельствовать нашу веру, веру, которая живится лишь, меряется, верной любовью к ближнему. Матерь Божия помогает нам, братья и сестры, созерцать, содержать умом и сердцем эти спасительные истины. Не только соглашаться с ними умом, но и самой жизнью исповедывать их так, чтобы благодать Господня не оказалась бездейственной в нашем сердце, но со дня на день помогала нам меняться от худшего к лучшему и таким образом исполняться той радости, которая ждет всякого бескорыстно трудящегося на стезе покаяния, молитвы, любви к людям и Богоугождения.

Пресвятая Богородице, спасай нас!

Иконы Иверская (тропари, кондаки и молитвы)

Тропарь, глас 1:

От святы́я ико́ны Твоея́,/ о Влады́чице Богоро́дице,/ исцеле́ния и цельбы́ подаю́тся оби́льно,/ с ве́рою и любо́вию приходя́щим к ней./ Та́ко и мою́ не́мощь посети́,/ и ду́шу мою́ поми́луй, Блага́я, // и те́ло исцели́ благода́тию Твое́ю, Пречи́стая.

Ин тропарь, глас 1:

Де́рзость ненави́дящих о́браз Госпо́день,/ и держа́ва нечести́вых безбо́жно в Нике́ю прии́де,/ и по́сланнии безчелове́чно вдови́цу,/ благоче́стно чту́щую ико́ну Богома́тере, истязу́ют,/ но та́я но́щию с сы́ном ико́ну в мо́ре пусти́, вопию́щи:/ сла́ва Тебе́, Чи́стая,/ я́ко непроходи́мое мо́ре плещи́ своя́ подаде́, // сла́ва правоше́ствию Твоему́, Еди́на Нетле́нная.

Кондак, глас 8:

А́ще и в мо́ре вве́ржена бысть свята́я ико́на Твоя́, Богоро́дице,/ от вдови́цы, не могу́щия спасти́ сию́ от враго́в,/ но яви́лася есть Храни́тельница Афо́на/ и Врата́рница оби́тели И́верския, враги́ устраша́ющая/ и в Правосла́вней Росси́йстей стране́ // чту́щия Тя от всех бед и напа́стей избавля́ющая.

Ин кондак, глас 4:

Совозсия́ днесь Све́ту Воскресе́ния свет чи́стыя ико́ны Твоея́, / обоя́ ве́село торжеству́юще вопие́м: // сохрани́ раб Твои́х благода́тию, Влады́чице.

Молитва первая

О Пресвята́я Де́во, Ма́ти Го́спода, Цари́це Небесе́ и земли́! Вонми́ многоболе́зненному воздыха́нию душ на́ших при́зри с высоты́ святы́я Твоея́ на нас, с ве́рою и любо́вию поклоня́ющихся пречи́стому о́бразу Твоему́. Се бо, грехми́ погружа́емии и скорбьми́ обурева́емии, взира́юще на Твой о́браз, я́ко живе́й Ти су́щей с на́ми, прино́сим смире́нная моле́ния на́ша. Не и́мамы бо ни ины́я по́мощи, ни ина́го предста́тельства, ни утеше́ния, то́кмо Тебе́, о, Ма́ти, всех скорбя́щих и обремене́нных! Помози́ нам, не́мощным, утоли́ скорбь на́шу, наста́ви на путь пра́вый нас, заблужда́ющих, уврачу́й и спаси́ безнаде́жных, да́руй нам про́чее вре́мя живота́ на́шего в ми́ре и тишине́ проводи́ти, пода́ждь христиа́нскую кончи́ну и на Стра́шнем Суде́ Сы́на Твоего́ яви́ся нам милосе́рдая Засту́пница, да всегда́ пое́м, велича́ем и сла́вим Тя, я́ко благу́ю Засту́пницу ро́да христиа́нскаго, со все́ми угоди́вшими Бо́гу. Ами́нь.

Молитва вторая

О Пресвята́я Госпоже́ Влады́чице Богоро́дице, приими́ недосто́йную моли́тву на́шу, и сохрани́ нас от наве́та злых челове́к и от напра́сныя сме́рти, и да́руй нам пре́жде конца́ покая́ние, на моле́ние на́ше умилосе́рдися, и ра́дость в печа́ли ме́сто да́руй. И изба́ви нас, Госпоже́, от вся́кия беды́ и напа́сти, ско́рби и печа́ли и от вся́каго зла. И сподо́би нас, гре́шных рабо́в Твои́х, одесну́ю ста́ти во второ́м прише́ствии Сы́на Твоего́, Христа́ Бо́га на́шего, и насле́дники нас бы́ти сподо́би Ца́рствия Небе́снаго и жи́зни ве́чныя, со все́ми святы́ми в бесконе́чные ве́ки веко́в. Ами́нь.

Назад к списку

Добавить комментарий

Закрыть меню